琴日黑格比先生既威力真系只可以用兩個字形容.."快、恨"...事關佢走得真系好趕,就好似約咗人咁款....而佢既破壞力就更比鸚鵡小姐恨....事關佢路過我住嗰區時...我既天台既枱同櫈仲有間狗屋..都俾黑先生恨恨的翻完又翻...真系嚇死我!!!仲要老公未返得我一個弱女子系屋企...不斷咁聽到由天台傳出的移動聲...撞擊聲..真系好恐怖...攪到我連飯都唔敢煮...等到九點幾先去煮飯..而老公就成點幾鐘先收工返黎,嗰時黑先生己差唔多發洩完了自己嗰時真系驚會吹爆d玻璃窗...又驚天台張枱會成個吹走...總之打咁多個風..覺得系屋企最無安全感都系呢次咋!..

今日得到一個好特別既經驗...一個平平無奇既文員仔...無出眾既外表...身材就更加唔見得人啦...但..咁既質素..居然可以做model???????..系真唔系呀????...答案系....真系可以架~~呵呵呵~~

事關老細大人唔捨得駛錢...咁去邊度揾免費model呢...攪盡腦汁...諗黎諗去...叮!!...突然..我背後有股'寒"意直入心扉...大熱天時發冷...一定系有病了(心諗)..不過好快就知道原來系我俾人睇中咗...老細叫我入房....笑得好奸..真系好奸...我當時諗唔通又要出去做咩酒會既PR小姐?..我今次實唔制啫!..點知..佢居然叫我做model...吓...mo..del????(心諗)"咪玩啦...我做..啫系出醜啫...唔駛慳成咁呀?!..."...但睇老細個款就真系智在必行咁款...我一路推..佢一路進..最後我被迫到無路可行了..唉!...就應承咗.....呢個任務都系拍之前兩日通知我...想減下肥都趕唔切了..唉..都成日叫自己勤力d減肥啦...但天氣熱又唔願郁..真系今均做硬"肉感model"啦!

電視台d人未到..我已經唔多駛做了...一大早又試衫又試鞋...又要諗點set頭..化咩妝..總之攪咗成朝...到 lunch-time就即刻同埋兩個designer出去附近買衫...事關我身材好得濟...差d迫爆佢地d衫..所以要趕出去補鑊..買d大d既衫俾我...因為佢地唔系拍A片..我聽到即刻心諗...我真系咁勁咩...咁我老公咪好幸福囉~呵~~~跟住3點幾電視台d人黎咗,我地仲系度執緊d眼耳口鼻咋...首先當然同兩位designer姐姐做咗訪問先啦...一做就做咗兩個幾鐘...但其實個訪問只系短短出街10分鐘咋...真系佩服佢地可以同一句對話可以不斷咁重覆...仲要表情語氣都要一樣喎..勁!!..好彩我唔駛出聲啫...到咗差唔多7點先輪到我上場...我諗住好易啫...只要唔駛我行就得了...但原來唔駛行仲慘過要我行....要我着住對高踭鞋"原地轉圈"...轉呀..轉呀...cut完又再黎...cut!..再轉!....cut!唔系咁..自然d..原地轉..唔好轉出個鏡頭..再黎!...轉...我都轉到暈喇...幾次都轉到出咗鏡...大佬..我又唔系做呢行..又未經過訓練..又點識轉喎...真系叫我行仲好過啦...第一套系好暈之下pass咗..第二套就改為叫我前後行..睇落又好似好easy job啦...錯!!...一樣都系高難度動作....因為又要向前行但又唔可以行出鏡喎...咁...啫系點呀..地下又唔會郁..向前咪會向前囉..救命...我又唔系michael jackson識跳佢d舞步...真系玩死我....終於都系cut完又cut...行到我腳都痛埋..開始腳震添..到第三套...終於佢地明白到系唔可以要一個客串既文員姐姐做到佢地要既普通動作..所以佢地叫我上坐...只系將雙美腿換下擺法啫...就因為咁...我呢次拍得好順利..仲同佢地玩幾個花款添....拍完仲話我pro咗...開始入戲喎..哈...唔理佢地系講真定講笑..我都好開心...因為自己唔系得老細睇中..又點會有呢次機會呢...咩都要試下嘛..老公話既~~真系好難忘呢~~~

妹妹回到我身邊我都無發現佢有任何損傷......今朝居然俾佢老豆發現咗佢條尾有個3厘米長既傷口...仲要系毛連表皮無咗呀!!!!!!見到佢血淋淋的肉......呀!一定好痛了....唔怪得我抱佢時一掂到patpat位佢就唔鐘意啦...原來受傷了....因為個傷口系尾部下面近patpat位..所以我無留意到..真系失敗....放工即刻走去買樽藥膏俾妹妹....希望佢快d好番..

失而復得的感覺是如何?...是更懂得珍惜及包容!..頑劣也有改過的一刻...妹妹經歷過流浪的3日3夜的生活,重遇牠真的放下心中不安的情緒.....幸好上天給予我改過機會....否則差點我便抱憾終生了.....

琴晚返奶奶家食飯發生一件排外事件, 今次主角唔系我, 而系我的三少奶, 唉, 真的好慘呀~話說有錢四少奶的老豆攪生日喎, 四少好自然咁邀請咗我地兩公婆出席, 但都估唔到四少佢地會攪派帖呢家野,我都一早估到四少實唔會邀請埋三少奶出席的, 原因系大少奶 - 阿紅(點解叫阿紅, 因我覺得佢同家好月圓既阿紅一樣咁衰囉~嘻)一定會出席, 所以就唔可以俾三少奶出現費事紅姐唔高興!不過, 四少就錯得好離譜囉, 三少奶會返黎食飯既日子走去派帖, 仲完全無預三少兩公婆喎, 淨系派俾阿紅一家, 我地兩公婆同奶奶, 仲要問奶奶系咪三張夠喇,奶奶仲話系呀,就我地幾個啫, 我聽完都知一陣又大鑊啦, 個個兄弟都有..唯獨三哥兩公婆無份, 為咩啫, 一家人為咗個八婆阿紅攪到咁, 最重要系由始至終都唔系三少奶錯, 系紅姐痴x線, 講番都只不過系上年聖誕節前三少奶接咗佢個衰女入去自己屋企住之嘛, 唔知痴咗乜線為咗咁嬲咗個女同奶奶同三少奶, 仲一嬲就嬲咗兩個月, 全程黑口黑面,見到奶奶老爺就當睇唔到,一d家教都無, 最後奶奶要揾有錢四少奶氹番個八婆先無事, 因為個八婆紅姐最愛同四少奶一齊, 連人地父母都黐上咗, 對自己既老豆老母連眼尾都唔會望一下呢!呢d女人,奶奶居然怕咗佢,咩都就晒佢, 仲系度攪分化tim, 逢有紅姐就無三少奶, 逢有三少奶就無紅姐, 連紅姐個女都學足佢老母咁, 一見阿媽系度就當三少奶透明, 老母唔系到就系咁同三少奶講笑,四少奶系度就黐住佢眼尾都唔望下三少奶,真系世界女呢~我見到都眼火爆, 不過我老公話過唔俾我再理人地d野,所以我都當睇唔到, 理下自己個仔仲好過啦~之不過, 今次真系睇唔過眼佢地d做法, 咁啫系咩意思喎...玩排外呀?三少奶系自己人吖嘛, 多張帖好貴咩, 做人就唔好咁,就算佢唔去都好,表面野都要做得好睇d嘛, 個奶奶都唔知點教四少架, 三少奶唔見得人咩, 為咩做到咁啫!最好笑系, 老爺大人系食緊飯時攞張帖出黎問野, 本來個個一見三少奶返黎都當無事架, 但俾老爺穿咗件事出黎, 即刻奶奶同四少系咁補鑊, 話咩一張帖就請晒全家人咁, 講咩啫, 咁大哥同我手上嗰張咩黎架, 百痴, 真系當三少奶系百痴啫, 到最後奶奶仲要打圓場咁細細聲同三少奶講"嗰日妳到唔到呀?人地親家大壽呀咁,妳如果唔得閒都唔緊要架, 我地代表妳囉!"..嘩!聽到三少奶火到黎埋啦, 仲要扮傻,呢個奶奶真系....所以三少奶決定唔再忍了, 佢都有火架!...三少奶~我實支持妳架!!

今日終於真的打風了..仲要掛9號tim~~開心的系得到一日額外的假期及預啱今個星期系短週...即系我可以連放3日呀~~~yeah!!雖然我同仔仔今日都無出過街 , 但間中的懶洋洋留系屋企過都幾好吖~最悶系進進啫 ,無街去, 只可打機同睇cartoon片...睇下聽日好d就同老公出下街啦..唔系真系悶親我個仔呀~

真開心, 你真係叫咗哥哥開msn~~聽佢講你仲學識咗玩轉圈tim!!...真系勁呀~~你哥哥仲話今日要教你做反肚動作呢...但做唔到就唔準起身喎!!..真系以為你入咗軍營受訓呢,哈~..仲知道你今日會出海玩...好開心呀~~我都想同你一齊去玩...記住捉多d魚保下身呀~不過你哥話你攪到朋友"西施"伯伯本來成日鬧你變咗一見到你就反定肚投降....你真系一d都唔敬老...專攪到d老人家發火的~~真服咗你呀!!...點都好, 你系陳家咁開心自由,,我好安慰了!!

這幾天都會不知不覺的想起你....我清楚這己是事實....我亦明白這是你一直渴望得到的生活....好掛念...雖然你不在..但你的影像經常的在我眼中出現...好想摸你抱你啊....但...真的好傻...愛你又怎會遺棄你呢....我盡力了嗎?...我不知道....我好擔心你在新家和其他朋友仔相處不來....有兩日你哥哥沒有上MSN了...不知你過得怎樣了....希望你今日叫你哥哥上MSN講下你的近況啦...

今日系假日, 但我習慣每朝的起身為你打開天台門讓你上厠所及舒展一下,但今天開始不再需要了......因為家裡已再沒有你的聲音和氣味....留下的只有你少量的毛髮和你伸頭出窗外時的口水痕跡.......還有..我買給你的一個橙色波及一個磨牙玩具...它上面還有你咬過而留下的痕跡呢~~很掛着你!!...琴晚和你的哥哥MSN時知道你很貪玩...仲由花園一口氣衝上樓梯再一口氣衝落黎再爬入sofa的情境....我真的不敢相信....你真的很開心...玩和自由奔跑是你一直渴望的生活...現在你得到了....一個有其他小朋友和你一起癲玩的家....又有工人照顧...沒有束縛沒有限制活動的家....這是你應得的回報呢~~但你有樣習慣不好的, 就是你的口水又幫朋友仔沖涼了~以前經常幫妹妹沖....而家又幫牧羊西施唐唐呢幾個朋友仔沖...你真系名符其實的口水怪~~不過玩時玩都要睬下哥哥的...你攪到哥哥自己系度玩你隻假雞呢~哈~...真的好多謝他們待我照顧你...雖然我因為將你交了給他們而被別人駡我失信, 那刻我真的很傷心,因為我失去你,你將自己交給我,我沒給你安穏的, 你應可再選擇自己的家人,我不怕被她咒罵, 我只要你的家是可讓你快樂及終老的....我沒有選擇錯....如果我當時因為堅持着一個承諾的話, 我相信你今日不會有得衝樓梯, 用口水幫人沖涼....相反有的和我家差不多...每天只有悶悶的等待主人回家....所以,你亦表達出你的高興,你的意願, 我好開心見到你的新生活 是這樣快樂自由的~~

你終於都走了,帶着一顆善良的心投入另一個家!!一個相信是能真的帶給你安穏快樂的家~回想你下午見着新的父母時,你很高興很落力的歡迎他們,我明白到你的選擇,當我和他們交待你的日常生活時,你發出高興的聲音時, 我知道你是對我說你選擇了他們....我見到他們主動給我看他們的仔女及居住環境相片時,我明白到我的堅持及等待真的是主憐憫你的一顆對人類忠誠善良的心而安排好的....我不捨..但這是一個你應該有的家..所以我放了.....你亦明白我深深的不捨...當你真的要上車時...我遠遠的看着你...忍不住的叫了你一聲...你慢慢的行到我身邊...我和你的最後擁抱....你用行動對我說再見了....再見了,whisky!...我曾擁有過的兒子....你現在已經是陳家的少爺了....我雖未必有機會再見到你..但你的哥哥和我仍會keep contact的...我會祈待你的生活近況及片段....祝福你...你的善良...你對人類的忠誠今天開始回報給你了....再見....我的傻豬...